السلام عليكم،

حبيبت
افيدكم بموضوع مختصر قدر الامكان عن المعلومات اللي ممكن نحتاجها عن
مستحضر الحماية من اشعة الشمس ، و عن طريقتي و مستحضراتي للعناية قبل
الخروج و اخيرا اجود مستحضرات الحماية.

طبعا ممكن تنوروا الموضوع باضافاتكم و افادتكم عن العناية من الشمس.




الان هذه نقاط نحطها ببالنا بخصوص مستحضرات الحماية:



بنلاقي رمز SPF على المستحضر و هذا معناه Sun Protection Factor اي: معامل
الحماية من الشمس ، و عند الرمز رقم مثل 30 او 50 او غيره .


نيجي لمعنى الرقم اللي هو معامل الحماية، الكثير يعتقد انه كل ما زاد
الرقم زادت الحماية فمثلا الكريم بمعامل 30 يحمي ضعف اللي بمعامل 15 ،
هالمفهوم خطأ،،في الحقيقة الكريم اللي بمعامل 15 مثل 30 مثل 50 ، الرقم هذا
يعتمد على الوقت و على الكمية اللي نحطها ، مثلا اذا كان الرقم 15 او 20
فلازم تحطي كمية تعادل ملعقة شاي و لان هذا شبه مستحيل فيوجد لدينا
المستحضرات اللي بمعامل 30 و 45 و 50 عشان نكتفي بكمية طبيعية تمتصها
البشرة .
ثانيا
الرقم يعتمد عالمدة اللي بيضل في البشرة يعني اذا طلعة عادية يعني التعرض
للشمس مسافة الطريق فناخذ بمعامل حماية من30 ل 50 ، اذا كان التعرض للشمس
في الشاطي او لاي سبب المهم لوقت طويل فناخذ معامل حماية 100 ، طبعا ممكن
ناخذ 40 او 50 بس في هالحالة لازم نعيد وضعه كل ساعة الى ساعتيبن .


نيجي لوقت الاستخدام، ننتبه لنقطة : هل مكتوب بالعبوة sun block فقط ففي
هذه الحالة لازم نحط المرطب اول و ننتظر شوي و بعدين نحط الواقي،،، اما اذا
مكتوب lotion او moisturizer او cream فنحطه على طول لانه بهالحالة مرطب
يحتوي عالواقي.


نحط المرطب الواقي قبل الخروج ب 10 الى 15 دقيقة الين تمتصه البشرة اولا و
الين تتبخر الكحول اللي فيه ثانيا ،، كمان ننتظر قبل نحط اي بودرة او اساس
.


اخر نقطة مهمة لازم ننتبه لها: حتى لو الجو غيوم لازم نحط الواقي، لان
بدون السحب الشمس تطلق اشاعتين UVA و UVB و اذا في غيوم تطلق فقط UVA .
اشعة UVA هي المسببة للبقع و التصبغ , و اشعة UVB هي المسببة لحروق الشمس








الان اعطيكم فكرة بسيطة عن روتيني قبل اطلع من البيت :




اكيد تنظيف البشرة بالغسول و التونر


احط كريم مرطب بمعامل حماية من الشمس SPF 20 ، من كلينيك ، عجبني و بحط
عنه نبذة عن تجربتي معاه في موضوع المنتجات اللي توفقنا فيه و كريم العين
بالكولاجين من لوريال







































انطر بحدود 10 دقايق و احط اما مستحضر BB من مايبيلين او اكتفي بالاساس
البودرة من مايبيلين بعد و اثنينهم يحتوون على معامل حماية من الشمس

































في حالة طلعت وسط الدوام او بروح مشوار حتى بالعصر احط كريم الBB لانه خفيف عالبشرة و هم يعطي حماية معقولة











و الان بعطيكم امثلة على افضل مستحضرات الحماية


- من اشهر المستحضرات بايوديرما bioderma






















- كلارنس



















- نيتروجينا

























- the body shop بالفيتامين سي ، جربته حده ممتاز


















- لوريال كمان جربته ، حمايته كويسة و اثره حلو عالبشرة بس قوامه ثقيل يناسب اللي بشرتهم جافة





















و بسسسسسسسسس

اتمنى
ما مللكم الموضوع و استفدتو منه، و اعيد اقول اللي تحب تضيف معلومة او
نصيحة للحماية من الشمس او عندها تجربة عن مستحضر راح تنور الموضوع