الجمعة أكتوبر 30, 2015 11:29 pm
الدوله
عدد المساهمات
نقاطي
تاريخ الميلاد
الجمعة أبريل 05, 2013 12:05 pm_ حبيت أقدملكم أبسط تحليل وملاحظات تقدر تعرف بيها ملامح شخصيتك وكمان الشخصية اللى ادامك.. طيب ودا هيفيد بايه ..
_هقولك..
فى حاجات كتير جدا .. أولا تعرف شخصيتك وانك تقدر من خلال معرفة اللى
ادامك كمان تعرف ازاى تتعامل معاه وتستغل بادراكك لجوانبها انك تغير من
اسلوب تعاملك ورد فعلك على تصرفاته بحيث انه يشبع احتياجات واستثناءات
الشخصية دى .. ودا موهبة وذكاء فى التعامل تقدر تستغله لمصلحتك ولباقة
وممكن اتيكيت كمان..
_تعالو نشوف ..
_أولا لكل شخصية
ملامحها وعاداتها والاسلوب الغالب اللى بتلاحظه عليها واللى هى بتحب
تتعامل بيه وبيتغلب عليها اللى بنسميه ( comfort zone ) بتاعها
_والتقسيم الغالب للشخصيات عموما هى أربع شخصيات (4) .. هذكر باختصار أهم ملامح كل شخصية..
1@ الشخصية العملية ( اللى بيوجهها العمل والنتائج ) :نعرفها ازاى..
متحفظ
، تحركاته حريصة وبيتحكم فيها ، يريد الحقائق والتفاصيل ، عيونه جادة ،
تحركات ايده محدوده وهادية، محدود فى التعبير عن المشاعر الشخصية وحكى
القصص أو قصير الكلام ، اللى يهمه المعلومات وتبادلها عن العمل ..
2@ الشخصية المتحدثة ( اللى بيوجهها استشعار التأثير دايما باستخدام التحدث) : نعرفها ازاى ..
شخصية
متحدثة ، لبقة ، تميل لتغيير نغمة الصوت أثناء الكلام للتأثير على الآخرين
، تعبيرات الوجة واضحة ، سريع وواضح ،يدلى بالكلام أكتر من طرح الاسئلة ،
حاسم ( دوغرى ) يعرف اللى ادامه هو عايز ايه من الآخر ، دايما بيميل انو
يجلس محنى للأمام ( يعنى على طرف الكرسى وساند ايده على المكتب ويهز رجليه
عادة وهو قاعد ) ..
3@ الشخصية المستفسرة ( اللى بيوجهها طرح الأسئلة ونتائج الاجابة عليها ) : نعرفها ازاى ..
نادرا
يستخدم صوته او الكلام ليعبر عن أفكاره ، تعبيرات وجهه وأوضاع جلوسه هادية
وغير متطفلة ، متأن ، بطىء فى الكلام ، بيدرس ويفكر ويحلل الكلام قبل ما
يدلى بيه ، عادة بيسأل أسئلة أكتر ما يعطى تصريحات وكلام ، يميل للجلوس
للخلف ( يعنى يضجع ظهره للخلف ويسند على الكرسى ) ..
4@الشخصية الاجتماعية ( اللى بيوجهها التأثير على مشاعر والحصول على اهتمام وجذب اللى حوليه ) : نعرفها ازاى ..
نشط
، وحيوى ومتحرك ، يستخدم تعبيرات الوجه ، تواق للحركة أثناء الكلام ولفت
الانتباه بكدا ، تحركاته واضحة واشاراته مفهومة ومفتوحة ، قليل ما يظهر
بالصورة الجادة أو التعبير الجاد ، له نظرة دايما كأنه صديق ودود ، يميل
لايماءات اليد والتصافح واليد المفتوحة العشوائية ، يحب يظهر مشاعره
الشخصية ، وسرد القصص والحكايات ، وكلامه سريع عادة ( بيخطف الكلام )
..................................................
من الاربع شخصيات1& 2 & 3 & 4
نرجع نصنفهم لأربع جوانب والصفة الرئيسية وهما أربعة :
_القيادية : بتتحمل المسؤليات ، تتميز بالقرارات السريعة ، تحب التحديات ..
ودى تقع بين الشخصية 1 & 2
_
المحللة : يركز على الحقائق والنطقية ، لا يعمل الا لو متأكد من الدفع أو
مقابل ونتيجة العمل ، بيفكر كويس ويحلل قبل ما يورط نفسه باى التزام..
ودى تقع بين الشخصية 1 & 3
_
المؤثرة : شخصية تهتم باثارة اللى حوليه وشمول رد الفعل والتأثير على
الغير ، تشارك فى الافكار والاحلام والحماسة وأحيانا التعصب ..
ودى تقع بين الشخصية 2 & 4
_الودودة أو اللطيفة : شخصية محبوبة ، تجيد النصح والتشاور ، تكتسب بسرعة الثقة من الآخرين ، وتجيد التأثير فى عواطف الآخرين ..
ودى تقع بين الشخصية 3 & 4
.................................................. ..............
ياريت أكون على اد ما قدرت أوضح حاجة وتكون استفدت وعرفت ولو جزء من شخصيتك
.. وهل عرفت انت بتنتمى لأى شخصية 1 ولا 2 ولا 3 ولا 4 أو بتقع بين اتنين فيهم ؟
